اتحرمنا منه في الدنيا .. رسول الله

[postbg=http://subtlepatterns.com/patterns/grid.png]

{ اتحرمنا منه في الدنيا و مش عايزين نتحرم منه في الأخرة }

فديناك بآبائنا يا رسول الله .... فديناك بأمهاتنا يا رسول الله

فديناك بأولادنا يا رسول الله .....فديناك بزوجاتنا يا رسول الله

فديناك بأموالنا يا رسول الله ..

اشتاقت لك الجمادات و الأشجار يا حبيب الله

فأين أشواقنا ؟؟؟!!

واحشك و لا لأ ؟ واحشك و لا لأ؟؟

عرفت إن أكبر حرمان اتحرمته في الدنيا إنك

اتحرمت من رسول الله (صل الله عليه و سلمـ )

احنا اتحرمنا منه في الدنيا

مش عايزين نتحرم منه في الأخرة يا جماعه

يا جماعه دا كانت نظرة لوشه

تخليك صحابي -عليه الصلاة و السلام-

دا كان دعوة منه تخلي قلبك أطهر قلب.

قال الحسن البصري - رحمه الله - :

إذا سمعت حديث بكاء جذع النخلة علي

فراق النبي صل الله عليه و سلم

يبكي و يقول :

يا معشر المسلمين الجماد و الجذع يحنٌ إلي رسول الله ....

الجماد و الجذع يحنٌ إلي رسول الله صل الله عليه و سلم ..

أفلا تحنون أنتم إلي ذكراه!!!

كان (صل الله عليه و سلم ) دائماً يقول لأصحابه :

اشتقت لإخواني.... اشتقت لإخواني

فيقولون : أولسنا إخوانك !!

قال : بل أنتم أصحابي أما إخواني فهم الذين ءامنوا بي

وصدقوا بي و اتبعوني و لم يروني ....

فماذا عسانا أن نقول له !!!

إذا ورد الناسُ حوضه و قال لنا :

استهزؤوا بي و شتموني وءاذوني

فماذا فعلتم دفاعاً عني و عن عرضي !!!!

ياللي مات قبل ما يشوفك بألف و ربعمائة سنه ....

ياللي مات قبل ما تشوفك عينيه بس

كان نفسه يشوفك ..بس قبل ما يموت بأيام لما راح

يزور قبور البقيع و يودع الأموات

قال لصحابته : اشتقنا لإخواننا ..

- إخواننا ... أولسنا إخوانك يا رسول الله ؟؟

في حديث تاني : لوددنا أنا رأينا أحبابنا ..

نفسي أشوف أحبابي .... نفسي أشوف حبايب قلبي ..

- حبايب قلبك مين يا حبيب الله ؟؟

قالوله : أولسنا أحبابك يا رسول الله؟؟

قال لهم : لا مش انتم ... قوم ءامنوا بي

و لم يروني اللي هو احنا يا جماعه .

كان نفسه يشوفك قبل ما يموت ....

كان أمنية حياته انه يشوفك قبل ما يموت

كان صعبان عليه إنك انت هتيجي و مش هتشوفه

عشان كده بعتلك سلامه و هو بيموت عليه الصلاة و السلام.

النبي (صل الله عليه و سلم) و لوددنا أنا رأينا أحبابنا

يا جماعه احنا كمان .. احنا كمان اشتقنالك يا حبيب الله ...

احنا كمان اشتقنا ان احنا نبوس إيديك اللي بتقعد تسبح بيها ....

اشتقنا أن نبوس رجلك اللي أُدميت عشانا في رحلة الطائف ...

.اشتقنالك يا رسول الله .... اشتقنالك يا خير خلق الله

تخيلي دلوقتي لو أنتي قاعده لقيتي المحمول

بتاعك جاله رساله.. بتفتحي الرساله

- من مين ؟؟ لقتيها من رسول الله ( صل الله عليه و سلم)

يا رسول الله .. رسول الله بعتلي رساله أنا بيقولي ايه !!

بيقولك : أنا كنت مشتاقلك قبل ما أموت ...

كنت مشتاقلك قبل ما أموت .. انت مش مشتاق ليا ليه !!

ولو كنت مشتاق ليا كنت عملت معاصي تخليك مش معايا في الأخرة!!

لو كنتي مشتاقه ليا كنتي مش بتتبعى سنتي في كل حاجة ليه !!

هنجاهد يا رسول الله .. هنجاهد عشان تبقي سيرتنا

زي سيرتك و صورتنا زي صورتك

و حياتنا زي حياتك يا حبيب الله.

حنان رسول الله بيك قبل ما يموت و هو بيموت

كانت روح الحبيب تجود ...

كانت روح الحبيب تغرغر في صدره بيحتضر

خلاص اتغرغرت و الحشرجة بتاعت الروح بتطلع

و هو يقول : الصلاة الصلاة و ما ملكت أيمانكم ..

- بيموت و بيوصي ... دا أمك لو

هي بتموت مش هتوصيك كدا و هي بتحتضر

- عليه الصلاة و السلام - موقف موت النبي

و هو نايم بيموت عليه الصلاة و السلام

موقف كله حنان ... راسه علي صدر السيدة عائشة

بين سحرها و نحرها ... كله حنان

حنان بالسيدة عائشة و هو بيموت عليه الصلاة و السلام ..

وحنان بأصحابه لما قام قبل ما يموت و رفع الستاره عنهم

و هما بيصلوا الفجر و بصلهم رسول الله

و تبسم حبيب الله .....

الصحابة أخر مشهد شافه النبي عليه ...

مشهد ابتسامة حبيب الله

أخر حاجة شافوها من النبي ابتسامة أب بيودع أولاده ...

ابتسامة أب بيودع أحبابه قبل ما يموت و يسبهم .

أخر حاجة ودعها بيهم و هو بيشوف أولاده ثمرة عمره

و هو بيبصلهم ويبتسم (عليه الصلاة و السلام ) ...

موقف موت النبي كله حنان و هو بيقول قبل ما يموت :

بلغوا عني السلام كل من ءامن بي إلي يوم القيامة .

و عليك السلام يا حبيب الله .... و عليك السلام يا رسول الله

و عليك السلام يا خير خلق الله ( عليه الصلاة و السلام )

حنان النبي عليه الصلاة و السلام ....

بتحبيه اد ايه!! اللي أخر الدعوة المستجابة بتاعته ؟؟

اللي كان ممكن ينتقم بها من اللي ظلموه و اللي أذوه ...

اللي كان ممكن يغير دنيته كلها بيها ....

أخرها عشانك أنتي يوم القيامة .

بتحبه اد ايه !!

اللي وقف يصلي بليل و الدموع غرقت وشه

و لحيته و قميصه و الأرض و هو بيدعي ربنا عشانك ...

مفيش حبيب ليك عملها معاك.

بتحبوه اد ايه!!

اللي كان و هو بيموت و بيحتضر بيوصيكوا

باللي ينجيكوا في اخرتكوا .

حبيبي يا رسول الله صل الله عليه وسلم

جَزْاك الله خَير الجًزاء
كُل الشُكْر والتَقْدِير لَك
ولطَرْحِك القَيْم ..
احترامي وَتقْديرْي

اتحرمنا منه في الدنيا .. رسول الله

اتحرمنا منه في الدنيا .. رسول الله

رد: اتحرمنا منه في الدنيا .. رسول الله