وصفة روعة تارت شيكولاته

المقادير:

الطبقة الاولي عبارة عن 2 علبة بسكويت سادة مطحون ياريت اولكر نضيف عليهم قالب زبدة سايحة 100 جم وملعقة كبيرة قشطة ونص ملعقة قرفة ونفرده في صينية التارت وع الجوانب وندخلها التلاجة علبال مانحضر الحشو
والحشو عبارة عن :
كوب كريمة حلويات ...
2 كيس كريم شانتيه
8 حبات جبنة كيري
علبة قشطة صغيرة
4 ملاعق كاكاو

الطريقة:

نص علبة حليب مكثف محلي ولو مش عندك ممكن تعمليه في البيت او حطي سكر بودرة مش هايفرق كتير ف الطعم
اضربيهم كويس بالمضرب لحد ما يتقل الخليط ودوبي ملعقتين جيلاتين في نص كوب مية سخنة وضيفيهم عليه وكملي خلط بالمضرب
وممكن تستغني عن الكاكاو والجيلاتين تحطي كيس جيلي فراولة متدوي في نص كوب مية وهايبقي تشيز كيك فراولة
وتضيفيهم علي طبقة البسكويت وتساويهم في الصينية وتدخليها التلاجة تجمد
الطبقة الاخيرة عبارة عن :
ربع كوب كريمة او علبة قشطة حطيها ع البوتجاز علي نار هادية تسخن وبعدين ضيفي عليها شيكولاته طبخ او حبايتين شيكولاته جالاكسي ومعاهم ملعقة عسل نحل وافضلي قلبي فيهم لحد مالشيكولاته تسيح وانتبهي النار تكون هادية عشان متحرقش الشيكولاته
وبعدين ضيفيهم فوق الطبقة التانية وع التلاجة
وزوقي بقي باي حاجة تحبيها كريم شانتيه او شيكولاته بيضا او سيبيها زي ماهي
ولو هاتعمليه بالجيلي حطي ع الوش توبينج الفراولة الجاهز او اعمليه انتي لو مش متوفر الجاهز
وبالهنا